Þessi súkkulaðidásemd kemur auðvitað úr smiðju Allskonar:
Hér er mjög einfaldur og ofboðslega fljótlegur súkkulaði eftirréttur. Magnið í hann er ekki mikið, því þetta er rosalega saðsamt og kjörið fyrir þá sem vilja pínu sætt eftir matinn.
Ég ber þennan fram í litlum drykkjarstaupum og skammturinn á mann er um 2 msk. Þessi réttur hentar vel fyrir þá sem eru á hráfæði og líka fyrir alla hina sem eiga erfitt með að neita sér um smá súkkulaði eftir matinn.
Súkkulaðidraumur f. 4
- 1/2 bolli hlynsýróp
- 1/2 bolli kakóduft
- 3msk kókoshnetuolía (fljótandi)
Undirbúningstími: 3 mínútur
Allt sett í lítinn blandara eða skál og blandað vel saman þar til það alveg kekkjalaust og glansandi. Sett þá í staupin og skreytt með því sem þér dettur í hug. Ég notaði sesamfræ og blóm af basilikku.
Endilega smellið einu like-i á
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
