SAG verðlaunahátíðin fór fram í Los Angeles um helgina og mættu stjörnurnar að sjálfsögðu til leiks í sínu fínasta pússi. Leikkonan Susan Sarandon (69) vakti mikla athygli fyrir fataval sitt og segja má að samfélagsmiðlar hafi logað um leið og Sarandon birtist á skjánum.
Sjá einnig: „Það er ekkert til sem heitir of mikið kynlíf“ – Susan Sarandon (68)
Mörgum þótti klæðnaður leikkonunnar alls ekki við hæfi þar sem hún sá um að kynna þann dagskrálið sem tileinkaður er þeim sem létust á árinu og tilheyrðu kvikmynda- og sjónvarpsstéttinni.
Susan klæddist hvítum jakka og var eingöngu í brjóstahaldara innan undir. Ætli einhver hefði vogað sér að setja út á þennan klæðaburð ef Susan væri þrítug?
Margir kvörtuðu yfir því að Susan hafi eyðilagt einbeitingu þeirra þegar hún stóð á sviði – enda Susan jú fyrsta konan í Hollywood sem sýnir brjóstaskoru.
Sarandon virtist skemmta sér prýðilega á hátíðinni og líða vel með sjálfa sig. Er það ekki fyrir mestu?
