Þetta dásamlega meðlæti er svo gott. Þið verðið að prófa þetta um helgina. Uppskriftin kemur frá Matarbloggi Önnu Bjarkar
Sykraðar seasamgulrætur
f. 6
500 gr. gulrætur, skrældar og skornar langsum í lengjur
4 msk. ljós púðursykur
4 msk. smjör
1 msk. ljós sesamfræ
Sjávarsalt
Þessar eru svo góðar að það er næstum hægt að flokka þær sem sælgæti. Frábærar með öllum stórsteikum og hátíðarmat 🙂
Svona gerum við:
Gulræturnar eru skrældar og þvegnar. Þú ræður svo hvernig þú skerð þær, eða hvort þú hefur þær heilar ef þær eru litlar. Guræturnar eru soðnar í saltvatni í 5 mínútur, þar til þær eru næstum meyrar. Vatninu er hellt af þeim og gulræturnar settar aftur í pottinn, ásamt smjöri, sykri og sesamfræjum og steikt á miðlungshita í 5- 10 mínútur, hrært í við og við, þar til þær eru karmelliseraðar og gylltar. Smá sjávarsalti mulið yfir.
Mælum með því að þið smellið like-i á Matarblogg Önnu Bjarkar á Facebook
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
