Ó mæ….. Þessi sósa er æði með grillkjöti og góð með fiski og á kartöflur.
Svo við tölum ekki um kjúklingaborgara!
Ragga mágkona er oft með þessa með öllu mögulegu og þessi kemur að sjálfsögðu úr bókinni hennar: Eldað af ást.
uppskrift:
1 dós grísk jógurt
2-3 msk tandoori krydd frá Pottagöldrum
1 dós sýrður rjómi
3 msk ferskur graslaukur saxaðir
Salt
Pipar
Safi úr einu Lime
Aðferð:
Öllu blandað saman í skál og hrært vel saman. Gott að láta standa í kæli í 10 mínútur áður en borið fram.
Sjá meira: Svínaloka
Hrikalega einfalt og svaðalega góð sósa.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
