![Screenshot 2023-05-02 at 17.35.52](https://www.hun.is/wp-content/uploads/2023/05/Screenshot-2023-05-02-at-17.35.52-640x604.jpg)
Þessi ísterta er virkilega góð og í miklu uppáhaldi, sómir sér vel á hvaða veisluborði sem er. Uppskriftin kemur að sjálfsögðu frá Ragnheiði sem er með Matarlyst.
Marengs
3 eggjahvítur
150 g sykur
Aðferð
Hitið ofninn í 120 gráður með blæstri.
Eggjahvítur þeyttar þar til þær byrja að freyða þá er sykrinum bætt út í, stífþeytið.
Teiknið hring eftir 24 cm bökunarformi á bökunarpappír klippið út setjið í botninn á forminu. Setjið marensinn ofaní dreifið út.
Setjið inn í 120 gráðu heitan ofninn í 90 mín.
Látið botninn kólna áður en ísblöndu er hellt yfir.
Þristaís
Hráefni
1/2 l rjómi léttþeyttur
6 eggjarauður
90 g sykur
2 pokar Þristur
1 dl rjómi
Aðferð
Léttþeytið rjómann, leggið til hliðar.
Bræðið saman við vægan hita 1 poka af Þrist í 1 dl af rjóma.
Eggjarauður og sykur þeytt þar til létt og ljóst. Bætið út í í mjórri bunu bræddum þrist, látið vélina ganga á lægsta hraða þar til komið er saman í ca 1/2 -1 mín.(Passið að súkkulaðiblandan sé ekki of heit)
Blandið rjómanum varlega saman út í eggjablönduna með sleikju í smáum skömmtum.
Í lokin er bætt út í 5-6 bitum af Þrist sem skorinn hefur verið í sneiðar, blandið saman.
![](https://www.hun.is/wp-content/uploads/2023/05/340472783_1427716904661833_7073806779083795005_n.jpg)
Samsetning
Losið um hringinn á forminu
Gott er að klippa bökunarpappír eftir endilöngu nógu langan þannig að hann nái allan hringinn á forminu, komið pappírnum fyrir, klemmið aftur saman. Hellið ísblöndunni yfir botninn, jafnið út, setjið í frysti yfir nótt.
Skreytið að vild. (Gott er að nota restina af Þrist skerið hann langsum og raðið yfir ásamt jarðaberjum).
![](https://www.hun.is/wp-content/uploads/2022/01/Screenshot-2022-01-05-at-12.11.47.jpg)
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.