Bronson Pelletier sem við þekkjum úr Twilight gerði sér lítið fyrir og pissaði á teppið á flugvellinum í Los Angeles eftir að honum hafði verið vísað úr flugvélinni vegna ölvunar. Starfsmaður flugvallarins var að reyna að róa leikarann sem vippaði út á sér typpinu og fór að pissa á gólfið.
Bronson neitaði fyrst fyrir að þetta væri satt en eftir að myndbandið kom fram í dagsljósið þá viðurkenndi hann að hafa gert þetta. Talsmaður stjörnunnar segir að hann eigi við vandamál að stríða sem hann muni leita sér aðstoðar með.
Fyrir þá sem ekki vita það þá lék Bronson karakter sem hét Jared í Twilight myndunum, nánar tiltekið öllum myndunum nema þeirri fyrstu.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
