Við fengum þennan póst og vonum að sem flestir geti lagt hönd á plóginn:

 

Ég vil senda ykkur línu til að athuga hvort þið væruð til í að setja þetta á fréttasíðurnar ykkar.

Málið er það að í fyrra var vinkona mín, Inga Hrönn Sigrúnardóttir, sem var 17 ára þá, 18 ára núna, í heimsókn hjá systur sinni í Lillenhammer í Noregi til þess að taka sér smá frí frá Íslandi, en hún var nýbúin að eignast dóttur og amma hennar nýlátin, en þær voru mjög nánar.

Henni fannst alveg æðislegt þarna út í Noregi og var þarna með mömmu sinni og dóttur. Vinkona hennar kom í heimsókn og þegar þær voru á rölti í bænum hittu þær stráka sem þær spjölluðu við og plönuðu það að fara með öðrum stráknum í bíó daginn eftir. Hann leit út fyrir að vera mjög fínn strákur. Þegar vinkona hennar fór aftur til Íslands sendi Inga stráknum sms og spurðu hvort þau ættu aftur að kíkja í bíó. Hann spurði hana hvort hún væri frekar til í að fara bara heim til hans að horfa á mynd. Hún gerði það, en hefði betur átt að sleppa því. Þegar þangað var komið læsti hann hurðinni og nauðgaði henni. „Veröldin hrundi öll á þessu sekúndubroti þegar ég áttaði mig á að það var ekkert sem ég gat gert. Ég var svo varnarlaus og leið hræðilega, beið bara eftir því að komast út. Þegar þessu lauk sagðist ég þurfa að fara en hann sagði mér að ég ætti að borða hjá honum,“ segir hún. Hún sagði að systir sín væri að elda og fór heim. Hann krafðist þess að fylgja henni. Hún var frosin og þögul en labbaði með honum út á horn. Hún fékk vinkonu sína til að hringja í sig og hann fylgdi henni ekki lengra. Hann knúsaði hana og sagði að þau ættu endilega að fara í bíó daginn eftir. Þegar hún kom til systur sinnar fór hún beint upp á sjúkrahús og þar var hringt í lögregluna. Móðir hennar, bróðir og dóttir komu með fyrsta flugi til Noregs daginn eftir.

Hún auðvitað kærði málið, því þetta er háalvarlegt mál hérna á Íslandi og mikið gert í þessu, en út í Noregi er kynlíf án samþykkis ekki það sama og nauðgun. Ingu var úthlutað lögfræðingi og hún hitti hana þarna í fyrsta skipti: „Hún gekk inn og sá að bróðir minn var með mér og sagði þá að hún hefði ekkert að gera þarna fyrst hann væri með mér! Svo fór hún bara. Ég talaði aldrei við hana aftur þó hún ætti að sjá um málið mitt.“ -Tekið beint af bleikt.is

Móðir hennar, Sigrún Kristín Guðmundsdóttir, hefur staðið þétt við bakið hennar síðan enda er ekkert erfiðara en þegar líf barnsins þíns er eyðilagt á einu kvöldi. Inga Hrönn hefur verið í strangri meðferð í Barnahúsum og hefur nokkrum sinnum verið lögð inná BUGL (Barna- og Unglingageðdeild Landsspítalans).
Inga hefur einnig barist við líkamlegar afleiðingar nauðgunarinnar. „Hún varð mjög veik og ældi lifrum og lungum. Hún gat ekki sofið vegna martraða og ekki vakið af því að hún endurupplifði verknaðinn sífellt. Ég fékk svefnlyf og róandi fyrir hana, sem hún kastaði upp í tvo sólarhringa. Þá kom í ljós að vesalings maðurinn hafði smitað hana af þvagfærasýkingu. Í kjölfarið á því segir læknirinn henni að gerandinn sé smitaður af lifrarbólgu þannig að í ofanálag er hún búin að vera í fyrirbyggjandi lifrarbólgumeðferð í allan vetur. Þannig að þetta er ekki eitt, þetta er allt.“ – Tekið beint af dv.is.

Inga Hrönn og fjölskyldan hennar geta fengið annan lögfræðing, íslenskan lögfræðing í Noregi sem sendiráðið í Osló sagði þeim frá, sem er til í að taka málið að sér að það er mjög dýrt. Þau hafa hreinlega ekki efni á því. Þau hafa oft séð þegar fólk er að ákalla þjóðina um hjálp, svo það var svona þeim efst í huga. Þau bjuggu til styrktarreikning á nafni Ingu og ég vil biðja ykkur um að hjálpa henni því þetta gæti í alvörunni breytt lífi hennar og fjölskyldunnar til framtíðar. Þau fluttu frá Íslandi til Svíþjóðar núna í ágúst og þess vegna er mikill kostnaður inn í þessu. Kennitalan hennar er 210995-2349 og reikningsnúmerið er: 0130-15-383357.

 

SHARE