Eiginkona Mila Marinkovic, Milena, lést fyrir þremur árum og áður en hún lést hafði hún mjög óvenjulega ósk sem þurfti að uppfylla eftir dauða hennar. Hún vildi láta grafa eftirmynd kynfæra sinna á legsteininn sinn.

Hún vildi ekki gera það til þess að sýna öllum hvernig kynfæri hennar litu út heldur vildi hún að Mila, ekkill hennar myndi aldrei líta á aðra konu, samkvæmt því sem The Sun greinir frá.  Í bréfi sem þessi serbneska kona skildi eftir sig skrifaði hún „Ég vil ekki að þú sért að eltast við aðrar konur. Með þessu móti muntu aldrei gleyma mér.“

Það var hægara sagt en gert að uppfylla þess ósk konunnar. Milena skildi eftir ítarlegar leiðbeiningar um hvernig átti að gera þetta og tók margar myndir af kynfærum sínum en Mila átti erfiðast með að finna steinsmið sem samþykkti að framkvæma þetta. Flestir sem hann talaði við héldu því fram að þetta væri guðlast.

Hann fann þó einn að lokum og er mjög ánægður með útkomuna. 

SHARE