Aspassúpa er algjör klassík sem er svo einfalt en afar ljúft að gera fyrir fjölskylduna. Stundum er þetta einfalda og sígilda svo gott en maður gleymir bara að gera þessar gömlu og góðu uppskriftir. Það þykir líka ansi mörgum afar ljúft að fá súpu svona annað slagið sérstaklega þegar farið er að kólna úti og haustið skelllur á.
3 msk smjör
5 msk hveiti
1 dós niðursoðinn aspas
6 dl vatn
1 ferna matreiðslurjómi
2 grænmetisteningar
1 kjúklingateningur
salt eftir smekk
pipar eftir smekk (hvort heldur svartur eða hvítur pipar)
1/2 búnt ferskur aspas(ekki nauðsynlegt en ótrúlega gott)
Bræðið smjörið í potti og bætið hveitinu saman við hægt og rólega og hrærið vel í á meðan. Hellið safanum af aspasinum saman við smátt og smátt og gerið síðan það sama með rjómann og vatnið.
Setjið aspasinn út í og kraftinn og látið sjóða í 15 mínútur, kryddið eftir smekk og passið upp á að smakka á milli svo að súpan bragðist nákvæmlega eftir ykkar smekk.
Þessi uppskrift er frá Lólý.is og er birt með leyfi þeirra.
Sjá einnig:
- Aspassúpa með ferskum aspas
- Sítrónukaka
- Dásamlegt Daim- og súkkulaðipæ
- Epla- og karamellusnúðar
- Súkkulaði karamellu kaka
- Focaccia – Ítalskt brauð
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
