Þetta Gúllas er alveg einstaklega gott og þessa uppskrift fékk ég hjá frænku minni sem var skiptinemi í Austurríki, að hennar sögn er geggjað að fá sér bjór og súrkál með þesssu!
Sjá einnig: Hollt og gott gúllas
Uppskrift:
1 lítill pakki beikon
1/4 bolli smjör
2 laukar
1 msk paprikuduft
800 gr nautagúllas
2 hvítlauksrif (ég set alltaf 4)
1/2 bolli vatn
2 nautakjötskrafts teningar
1 msk kúmenfræ
Salt og pipar eftir smekk
Aðferð:
Laukur og kjöt steikt á pönnu ásamt beikoni sem búið er að skera í bita. Restinni bætt saman við látið krauma við lágan hita eins lengi og hægt er, samt minnst 40 mín. Nauðsynlegt er að bera þetta fram með kartöflum, mjög gott að sjóða þær sér og svo skræla og bæta útí gúllasið.
Sjá einnig: Uppáhalds kjúklingauppskriftin mín
Algerlega nauðsynlegt að njóta þess að borða hvern einasta bita því bragðið er OSOM!
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
