Marta María Jónasdóttir, fréttastjóri dægurmála á mbl.is þvertekur fyrir að hafa brotið trúnað við Helgu Gabríelu, sem beiddist undan viðtali við Smartland vegna birtingu ljósmynda á Instagram.
Marta segir Helgu fara frjálslega með staðreyndir í bloggfærslu sinni sem HÚN fjallaði um og birti að hluta fyrr í dag, en þetta kemur fram á vef DV. Að því er fram kemur á miðlinum, svarar Marta fyrirspurn blaðamanns svo:
„Það að ég hafi brotið trúnað við hana eftir samtal okkar á ekki við rök að styðjast. Stuttu síðar skrifaði ég pistil í Sunnudagsmoggann og velti vöngum yfir þessari fótósjopp-væðingu á Instagram. Ég nafgreindi ekki Helgu Gabrielu í pistlinum mínum og birti ekki myndirnar heldur tók fram að um 23 ára bloggara væri að ræða. Það að vera 23 ára bloggari er vítt hugtak. Af því leitinu til finnst mér ég ekki hafa brotið trúnað hennar,“
Þá segir Marta einnig í viðtali við DV:
„Þegar ég sá þessar myndir af Helgu Gabrielu þar sem hún var búin að grenna sig á Instagram-myndunum ákvað ég að hringja í hana og spyrja hana út í þetta. Mér fannst merkilegt að eigandi heilsuveitingastaðarins Local gerði þetta. Þetta kom mér á óvart því ég vissi ekki að það væri hægt að láta fótosjoppa af sér Instagram-myndir,“
Frétt DV má lesa HÉR
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
