Dior kynnti Pre-Fall línu hátiskuhússins síðastliðinn fimmtudag við talsverða viðhöfn í Tokyo og mátti vart sjá hver flíkin var glæsilegri en önnur.
Stutt er síðan hátískuhúsið gaf út nýja bók þar sem farið er ofan í saumana á helstu afrekum Dior á sviði hátísku og þeim línum sem þykja hafa valdið straumhvörfum í hátískuheiminum gegnum árin.
.
.
Það er hátískuljósmyndarinn Patrick Demarchelier sem á heiðurinn að ljósmyndunumí bókinni,sem gefinn er út af Rizzoli og ber einfaldlega heitið Dior: New Couture. Ritið, sem er stórbrotin útgáfa, spannar fegurstu hátískuflíkur Dior allt frá árinu 1947 og fram til dagsins í dag.
.
Sýnishorn úr ritinu Dior: New Couture – Ljósmynd: Patrick Demarchelier
.
Í bókinni sjálfri fer Patrick Demarchelier stórum í myndrænni framsetningu á hátískuflíkum Dior, sem sýnir tímalausa hönnun Raf Simons, en bókin er einnig merkur minnisvarði um þá skapandi einstaklinga sem hafa haldið merki Dior á lofti undanfarna sex áratugi og skapað hátískuhúsinu þann tímalausa sess sem Dior státar af í dag.
.
Sýnishorn úr ritinu Dior: New Couture – Ljósmynd: Patrick Demarchelier
.
Hér má sjá Pre-Fall línu Christian Dior eins og hún kom áhorfendum fyrir sjónir í Tokyo en ef grannt er hlustað má hlýða á tónverk Bjarkar, Hunter, þegar líða tekur á sýninguna sjálfa:
Tengdar greinar:
Vinnan að baki gerð hátískuflíkar er mögnuð ásýndar
Tíu heitustu karlmódel allra tíma í myndum og máli
Er Galliano að undirbúa „kombakk“?
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
