Eric Hill, 31 árs, var hér á landi á dögunum en hann vinnur nú að því að slá heimsmet með því að heimsækja öll löndin í heiminum á mettíma eða þremur árum en hann hóf ferðalagið í febrúar á þessu ári í Norður Kóreu. Ef hann nær því markmiði sínu mun hann slá annað met á sama tíma og það er að vera yngsti ameríkaninn sem heimsækir öll lönd í heiminum.
Við hjá Hún.is fengum aðeins að hitta á Eric til að spyrja hann útí þetta verkefni hans. „Ég er að uppfylla draum sem ég hef átt síðan ég var lítill og sýna fram á að hvert einasta land hefur upp á eitthvað stórkostlegt að bjóða. Ég ætla að demba mér í menningu, ævintýri og góðgerðarmál á hverjum stað,“ segir Eric.
Eric lendir í allskonar skemmtilegum og krefjandi ævintýrum, t.d. var hann sakaður um að vera njósnari í Sýrlandi og vissi hann ekkert hvað yrði um hann þá.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
