Lax er á topp 10 yfir uppáhalds kvöldmat. Grillaður lax þykir mér vera algjört lostæti. Stundum er þó gaman að gefa laxinum smá ,,twist” og þá koma þessar laxabollur sterklega til greina.
350 gr. lax (roðlaus)
1 egg
smá sítrónusafi
1 1/2 – 2 msk hneturasp (hakkaðar möndlur/hnetur)
Salt og pipar
1/2 tsk basil
Smá steinselja
Kókosmjöl
Aðferð
1. Hitið ofn í 180°C
2. Skellið öllu nema kókosmjölinu í matvinnsluvél
3. Mótið 6 bollur úr blöndunni
4. Veltið bollunum upp úr kókosmjölinu
5. Bakið í 8-10 mín
6. Njótið með því sem ykkur þykir best
Verði ykkur að góðu!
Birna er tvítug Reykjavíkurmær. Hún er stúdent frá Verzlunarskóla Íslands og hefur mikinn áhuga á mataræði og heilbrigðum lífsstíl. Birna stundar Boot Camp, hlaup og lyftingar af kappi. Hún er dugleg að takast á við krefjandi áskoranir og leika lausum hala utan þægindarammans. Hvort sem það er utanvegahlaup, kraftlyftingar, þrekkeppnir eða annað í þeim dúr. Birna mun deila uppskriftum úr eigin tilraunaeldhúsi með lesendum Hún.is ásamt því að skrifa skemmtilega og upplífgandi pistla er snúa að heilbrigðum lífsstíl og sjálfsrækt.
