Jasirah Bin-Hitam heitir stúlkan og er átján ára gömul. Hún er af frumbyggjaættum og er búsett í Ástralíu en í vogaðri félagsfræðilegri tilraun lagði hún allt undir; hún fór niður á strönd og batt fyrir augun, lagði skilti við fætur sína sem á stóð:
ÉG TREYSTI ÞÊR – TREYSTIR ÞÚ MÊR? FAÐMAÐU MIG!
Sjá einnig: Það ættu allir að gefa sér tíma í að kúra og knúsast, hér eru 5 góðar ástæður hvers vegna
Því næst breiddi hún út faðminn og stóð grafkyrr í sömu sporum án þess að mæla orð. Það sem Jasirah gekk til var að prófa hvað í raun það merkir að vera mannlegur.
Sjá einnig: Ert þú búin að faðma einhvern í dag? – Myndband
Í fyrstu gengu strandgestir hjá og störðu á hana í forundran – en loks gekk ein hugrökk kona upp að Jasirah og tók utan um stúlkuna sem sá ekkert, vegna þess að bundið var fyrir augu hennar.
Ég treysti þér – Ég treysti þér – Ég treysti þér – hvíslaði konan. Sjáðu hvernig fór þegar konan gekk í burtu … ótrúlegt myndband:
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
