Samkvæmt DailyMail verður þessi hundur líflátinn í dag í Tennessee eftir að eigandi hans yfirgaf hann vegna gruns um að hundurinn sé samkynhneigður. Samkvæmt heimildarmönnum blaðsins sagðist eigandi hundsins hafa séð hann hoppa upp á annan hund af sama kyni og segir hann það staðfesta það að hundurinn sé samkynhneigður.
Facebook síða var gerð til þess að reyna að bjarga hundinum því ef nýr eigandi kemur fram þá sleppur voffi við að vera líflátinn.
Þeir sem þekkja hunda vita að þó svo þeir hoppi upp á hund af sama kyni þarf það ekki að þýða að hundurinn sé samkynhneigður heldur gera hundar þetta til að sýna vald sitt. Þeir gera svona til að vera „sterkari aðilinn“.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
