Berglind hjá Gotterí gerir alveg einstaklega girnilegar og fallegar kökur og hér kemur ein frá henni:
Þessar dúllur eru alveg dúndur góðar get ég sagt ykkur og tilvalinn og sumarlegur eftirréttur!
Sjá einnig: Himnesk Bountyskyrterta
Mini bláberja skyrkökur
Botn
- 300 gr Digestive kex
- 50 gr brætt smjör
Skyrblanda
- 1 x skyr með vanillubragði (stór dós)
- 500 ml rjómi
Bláberjasósa
- 250 gr bláber
- 50 ml vatn
- 3 msk sykur
- ½ tsk sítrónusafi
- ½ tsk vanilludropar
- Botn: Myljið kexið (setjið í matvinnsluvél) og hellið bræddu smörinu yfir og hrærið saman. Leyfið að kólna á meðan bláberjasósan er útbúin.
- Bláberjasósa: Setjið öll hráefnin í pott og leyfið suðunni að koma upp, lækkið þá niður í meðalhita, hrærið vel í þar til sósan fer að þykkna (tekur um 10 mínútur). Setjið sósuna til hliðar og leyfið henni að kólna aðeins á meðan þið útbúið skyrblönduna.
- Skyrblanda: Þeytið rjómann og vefjið vanilluskyrinu saman við.
- Samsetning: Setjið um 2 msk af kexmylsnu í hvert glas, því næst skyrblöndu og síðan bláberjasósu þar ofan á, skreytið með ferskum bláberjum.
Einnig væri hægt að raða skyrkökunni saman í eina stóra skál ef þið kjósið.
Endilega smellið like-i á Gotterí á Facebook
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
