Þessi uppskrift er mjög gómsæt og kemur frá Eldhússystrum.
Pestó- og ostasnúðar
U.þ.b. 16 snúðar
25 gr ferskt ger/ 6 gr þurrger
2,5 dl mjólk, ylvolg
1 tsk salt
25 gr smjör, við stofuhita
6 – 7 dl hveiti
Fylling
100 – 125 gr pesto
Ca. 200 gr rifinn ostur
Til skrauts
Egg, slegið í sundur
25 gr furuhnetur
Aðferð
Myljið ferska gerið í mjólkina og blandið vel saman (eða blandið þurrgerinu beint út í hveitið). Blandið mjólkinni út í hveitið ásamt smjörinu og saltinu. Hnoðið vel saman. Látið deigið hefa sig undir viskastykki í ca. 30 – 45 mínútur eða þar til deigið hefur tvöfaldast.
Fletjið deigið út í ferhyrning, ca. ¾ – 1 cm þykkan (eins og þegar maður gerir snúða). Smyrjið pestóinu á deigið og stráið ostinum yfir. Rúllið deiginu upp og skerið svo í sneiðar, ca. 2 cm þykkar.
Raðið snúðunum á ofnplötu með bökunarpappír, penslið egginu á snúðana og stráið furuhnetunum yfir. Látið hefast í ca. 30 mínútur og stillið ofninn á 200°c.
Bakið snúðana í 7 – 9 mínútur eða þar til gullinbrúnir.
Sjá einnig:
- Pestó- og ostasnúðar
- Kjúklingagratín með eplum og karrý
- Gnocchi með butternut-graskeri
- Jarðarberjaterta með „dulche de leche“
- Kóreskar kjötbollur
- Döðlugott með hnetusmjöri, kasjúhnetum og súkkulaði
