Ef snuð barnsins þíns dettur á gólfið hefur ný sænsk rannsókn sýnt fram á að þú ert ekki að gera barninu þínu neinn greiða með því að skola snuðið í vaskinum. Í staðinn ættir þú frekar að gera eins og margir foreldrar gera nú þegar, að stinga snuðinu upp í þig áður en þú setur það upp í barnið aftur.
Sýnt var framá að börn foreldra sem setja snuðið upp í sig voru með sterkara ónæmiskerfi og mun ólíklegri til að fá ofnæmi, exem og astma en niðurstöður rannsóknarinnar voru birtar í þessari viku á Pediatrics.
Með því að færa skaðlausar bakteríur frá munni foreldris yfir í munn barnsins fær ónæmiskerfi barnsins tækifæri til þess að berjast á móti þessum bakteríum og ónæmiskerfið styrkist við það. Ef það fær ekki þessar bakteríur hefur ónæmiskerfið ekkert að berjast við og það fer að bregðast við hlutum sem það annars myndi ekki bregðast við.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
