Brad Pitt og Angelina Jolie hafa verið áberandi í fjölmiðlum eftir að Angelina Jolie bað um skilnað í september.
Heimildarmynd um Angelina og Brad er í bígerð og mun hún bera nafnið Broken: The Incredible Story of Brad and Angelina. Þar mun hulunni vera svipt af nokkrum leyndarmálum frá sambandi þeirra, allt frá fíkniefnum til framhjáhalds.
Angelina hefur oft verið kennt um að hafa komið upp á milli Brad og Jennifer Aniston, en heimildarmaður Radar Online segir að samband Jennifer og Brad hafi verið erfitt áður en Angelina kom til sögunnar.
Þessi heimildarmaður segir líka að það sé greinilegt mynstur í hegðun Brad, sem komi vel í ljós í þessari heimildarmynd. Samkvæmt heimildarmanninum er Jennifer hissa á því hvernig Brad hefur hagað sér seinustu 12 árin. Hann hefur fengið á sig margar ásakanir sem er ekki búið að sanna en það kemur í ljós í heimildarmyndinni að hann hefur átt í vanda með áfengi og fíkniefni.
Framleiðandi myndarinnar, Ian Halperin, sagði við Radar að Brad yrði samt ekki kennt alfarið um skilnaðinn: „Ég get allavega sagt það að það þarf alltaf tvo til að dansa tangó.“ Ian segir líka að myndin muni sjokkera áhorfendur og koma þeim verulega á óvart.
