Jay Z virðist hafa óhreint mjöl í pokahorninu, ef marka má slúðurvefinn The National Enquirer, en nú hefur hinn 21 árs gamli Rymir Satterthwait stigið fram með þeim orðum að hann sé sonur stórsöngvarans.
Jay Z, sem er 45 ára að aldri og heitir réttu nafni Shawn Corey Carter, á því lögsókn fyrir höndum en slúðurmiðillinn vitnar í lagaleg skjöl sem vísa til þess að Rymir hafi lagt fram kröfu á Jay Z í október á síðasta ári og óskað þess að söngvarinn undirgengist faðernispróf.
Rymir (21) segist sonur óskilgetinn sonur Jay Z og hefur stefnt rapparanum
Sjálfur þykir Rymir efnilegur rappari en drengurinn mun hafa greint dómara frá því fyrir skemmstu að móðir hans, Wanda, hafi átt í ástarsambandi við Jay Z á níunda áratugnum, áður en hann tók saman við Beyoncé, sem er eiginkona rapparans í dag.
Jay Z harðneitar öllu en neitar jafnframt að undirgangast faðernispróf
En það er ekki allt, því slúðurmiðlar vestanhafs hafa slegið upp fyrirsögnum þar sem Jay Z er sagður ljúga og að hann hafi neitað með öllu að undirgangast faðernispróf. Þetta mun ekki vera í fyrsta sinn sem Jay Z er bendlaður við barneignir, en söngvarinn hafnaði þannig þeim sögusögnum að hann hefði feðrað annað barn með stúlku að nafni Shenell Scott. Í það skiptið var það þó annar maður, sem hafði einnig átt í sambandi við stúlkuna sem er fyrirsæta og ættuð frá Trinidad, sem benti fingri á Jay Z og sagði hann föður barnsins.
Er Jay Z í raun faðir Rymir eða lýgur drengurinn öllu?
Í það skiptið reyndust sögusagnir ekki á rökum reistar og talsmenn Jay Z sögðu áburðinn fáránlegan uppspuna frá rótum. Nú er hins vegar öldin önnur og segir lögmaður Rymir þannig að Jay Z hafi farið með rangt mál í réttarskjölum og að stórsöngvarinn hafi þess blátt áfram logið að dómara nú í desember sl. með þeim afleiðingum að málinu var að lokum vísað frá.
Á Blue Ivy eldri bróður og því neitar Jay Z að undirgangast faðernispróf?
Sögusagnir um bresti í hjónabandi þeirra Jay Z og Beyoncé hafa lengi verið á reiki og skemmst er þess að minnast þegar Solange réðst heiftúðlega að mági sínum í lyftunni sem flutti fjölskylduna að útgöngudyrum að lokinni Met Gala hátíðinni – en Jay Z á eitt barn með Beyoncé, Blue Ivy Carter – sem er orðin þriggja ára gömul. Hvort deilur um faðerni spila þátt er erfitt að segja til um, en athyglisvert verður þó að fylgjast með framvindu mála og þá einnig hvort áður óþekktur fjölskyldumeðlimur skýtur upp kollinum á stjörnuhimninum bráðlega.
Tengdar greinar:
Beyonce og Jay Z láta eins og ekkert hafi í skorist
„Hjákona“ Jay Z segir frá ÖLLU: gefur út lagið Sorry Ms. Carter
Solange, systir Beyoncé ræðst af heift á Jay Z á Met Gala: MYNDBAND
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
