Hún kann sko að láta mann fá vatn í munninn hún Ragnheiður sem er með Matarlyst á Facebook.
Snúðar
Lungamjúkir og ljúffengir snúðar, með smjör kanil og súkkulaðifyllingu toppaðir með bræddu súkkulaði.
Bestir þegar þeir hafa staðið og kólnað á borði eftir bakstur.
Snúðadeig
700 gr hveiti (örlítið meira til ef deigið er blautt)
1 ½ tsk salt
4 tsk þurrger
80 g sykur
4 dl volgt vatn
1 dl majónes
Aðferð
Setjið þurrefni saman í hrærivélarskál blandið aðeins saman með króknum.
Bætið við vatni og majónesi vinnið vel saman með króknum í u.þ.b 5 mín bætið örlitlu hveiti út í hrærivélaskálina ef deigið er blautt. Látið hefast í 30 mín.
Takið deigið úr skálinni, fletjið út, smyrjið fyllingunni yfir, rúllið upp í lengju skerið í hæfilega stóra snúða, setjið bökunnarpappír á 2 ofnplötur raðið snúðunum á látið hefast aftur í 20 mín.
Hitið ofninn í 220 gráður og blástur bakið í u.þ.b 10-12 mín.
Fylling
100 g smjör við stofuhita
3 msk púðusykur
2 msk kanill
2 msk bökunarkakó
180 g suðusúkkulaði saxað
Aðferð
Blandið saman smjöri, púðusykri, kanil og kakó, smyrjið yfir útflatt deigið. Sáldrið söxuðu súkkulaði yfir og rúllið deiginu síðan upp og skerið í hæfilega stórar snúða.
Þegar snúðarnir eru bakaðir og hafa kólnað setjið þið brætt súkkulaði yfir
Toppur
120 g suðusúkkulaði
Aðferð
Bræðið súkkulaðið yfir vatnsbaði setjið aðeins af súkkulaði yfir hvernig einn snúð í mjórri bunu t.d með teskeið
Gott er að frysta þá snúða sem ekki borðast eru enga stund að þiðna.
