Getur þetta orðið eitthvað girnilegra? Kókosbollur, marengs og marskrem! Hljómar svakalega vel. Uppskriftin kemur frá Matarlyst á Facebook.
Hráefni
6 eggjahvítur
300 g sykur
1 tsk lyftiduft
100 g Rice krispies
Aðferð
Hitið ofninn í 120 gráður blástur.
Eggjahvítur þeyttar þar til þær byrja að freyða þá er sykrinum bætt útí ásamt lyftidufti, stífþeytið. Bætið Rice Krispies varlega út í, í lokin með sleikju.
Setjið bökunarpappír á ofnplötu, teiknið hring eftir t.d botni á formi eða disk. Setjið marengsinn á og dreifið út.
Setjið inn í 120 gráðu heitan ofninn í 90 mín.
Á milli
1/2 l rjómi
8 kókosbollur litlar (1 pakki)
Þeytið rjómann, bætið kókosbollunum út í brjótið þær niður með sleikju, hrærið varlega saman við rjómann. Setjið á milli botnanna.
Krem
200 g mars (4 lítil stykki)
50 g suðusúkkulaði
50 g smjör
4 eggjarauður
60 g flórsykur
Aðferð
Bræðið súkkulaði og smjör saman í potti við vægan hita. Þeytið eggjarauður og flórsykur vel saman og þá meina ég vel.
Hellið súkkulaðiblöndunni í skömmtum út í hrærivélaskálina, blandið varlega þar til komið er saman.
Skreytið af vild, eða ekki…
Sjá einnig:
