Söngkonan Adele hefur gefið út yfirlýsingu eftir að þyngd hennar var gagnrýnd, hún segir að hún muni einungis fara í megrun ef þyngdin fer að hafa áhrif á kynlíf hennar.
Adele sem er 24 ára segir að hún sé ánægð með sig eins og hún er, í stærð 14-16 og að hún hafi aldeilis ekki áhyggjur af fólki sem gagnrýnir þyngd eða vaxtarlag hennar.
Adele sagði “ég sá ummæli á Youtube sem ég hélt að kæmu mér í uppnám en ég lét þau ekki hafa áhrif á mig. Ég myndi einungis íhuga að fara í megrun ef þyngdin ógnaði heilsu minni eða kynlífinu, sem hún gerir ekki!”
Fyrr á þessu ári gagnrýndi hönnuðurinn Karl Lagerfeld hana með því að segja “Hún er aðeins of feit, en hún hefur fallegt andlit og frábæra rödd.”
Hann baðst seinna afsökunar á ummælum sínum.
Söngkonan Lady Gaga hefur einnig minnst á Adele þegar hún hefur verið gagnrýnd fyrir að hafa þyngst, hún sagði þá að Adele væri feitari en hún.
Adele er frábær söngkona & greinilega sterk andlega. Hún er góð fyrirmynd fyrir ungar stelpur & sýnir okkur það að það eru ekki allir steyptir í sama mót. Það eru ekki allir í stærð 0 eða 4-6, það er hægt að vera í stærð 14-16 en vera samt falleg,flott & hæfileikarík, fögnum því!
