Það er ekkert venjulegt hvað hún Ragnheiður hjá Matalyst er dugleg að prófa sig áfram í matargerð og bakstri. Þessi Ostakaka er með því girnilegri á netinu í dag.
Byrjið á að snýða bökunnarpappír í form sem er 22 cm smelluform, setjið botninn á forminu ofaná bökunnarpappír teiknið eftir honum og klippið út, klippið ræmur sem nemur þykktina á mótinu leggið inn í hliða á formið, gott er að nota smjör til að festa bökunnarpappírinn niður.
Eða setjið ostakökuna í eldfast form.
Gott er sð útbúa kökuna deginum áður eða láta hana standa að lágmarki í 5 tíma áður en hún er borin fram.
Hráefni
Botn
120 g smjör
14 Lu Bastogne kanilkex
Aðferð
Myljið kexið niður
Bræðið smjörið í potti bætið kexinu út í blandið saman. Setið í botninn á forminu.
Fylling
200 g rjómaostur
80 g flórsykur
¼ peli rjómi
200 g hvítt súkkulaði
Aðferð
Bræðið súkkulaðið á vægum hita yfir vatnsbaði, látið kólna aðeins áður en þið bætið því út í rjómasostablönduna.
Þeytið rjómann leggið til hliðar.
Þeytið vel saman rjómaost og flórsykur bætið síðan súkkulaðinu í mjórri bunu út í þeytið saman um stund. Í lokin bætið þið rjómanum út í með sleikju. Setjið ofaní formið.
Hindberjasósa
Hráefni
200 g hindber frosin
40 g hlynsýróp
1 blað matarlím
Aðferð
Setjið matarlímið í kalt vatn.
Setjið hindber og hlynsýróp saman í pott hitið og hrætið vel saman þar til orðið er mauk.
Vindið matarlímið og setjið út í pottinn hrærið vel, látið standa þar til hefur kólnað aðeins hellið yfir kökuna, dreifið úr.
Skreytið að vild t.d með því að skera niður með ostaskera hvítt súkkulaði og sáldra svo meðfram kantinum.
