Ég er mjög upptekin af því að dekra sjálfa mig þessa dagana.

Af hverju, jú af því ég er að æfa mig í því að sýna mér sjálfri kærleika.

Eitt af því sem ég geri er að búa mér til góð baðsölt til að skvetta í baðið og svo leggst ég í heitt bað með kertaljós og ljúfa tóna.

Til þess að gera baðsalt er gott að hafa glerkrukku með loki til að blanda í.

 

Slökunarbað:

1 bolli Epsom salt

1/2 bolli Matarsódi

10 dropar af jasmine kjarnaolíu

5 dropar af Geranium kjarnaolíu

Blandið salti og matarsóda saman í krukkuna, látið dropana útí hristið vel saman látið standa í minnst 10 mín og svo í baðið. Passið að vatnið sé ekki of heitt þar sem Epsom saltið hitar vatnið.

Ég nota Young living olíurnar af því mér finnst það öflugustu olíurnar sem ég hef kynnst. Þær eru lífrænar og án kemískra efna.

Ef þig vantar upplýsingar um þær má finna það á fb síðunni minni:

https://www.facebook.com/heilun.heilsulind/

 

Mæli með því að liggja í 20 mín í baðinu og hlusta á ljúfa tóna. Þú kemur dúnmjúk uppúr og alveg sultuslök.

Til gamans má segja frá því að Jasmínolían er þekkt fyrir erótísk áhrif, svo hver veit hvað gerist eftir baðið!

Svo er líka flott að setja þurrkuð rósablöð eða setja í fallega krukku og gefa í gjöf.

Ást út

 

 

Kristín fæddist á nunnuspítala og var skírð á flugvelli í henni Ameríku.
Hún er gift og a þrjú börn og eitt barnabarn. Hún hefur mestum hlut unnið við að efla fólk og hefur menntað sig á því sviði.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiðin miðaldra kvenna, með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar motto er jákvæðni út í cosmmosið því af lífnu hefur hún lært að jákvæðni kemur manni ansi langt!

SHARE