Það er ljóst að litagleði mun einkenna tískustrauma sumarsins. Guli liturinn verður áberandi í litaflórunni og ættu allir að geta fundið eitthvað við sitt hæfi, þó margir séu ragir við að skarta skærgulum klæðum. Guli liturinn kemur í fjölmörgum tónum og auðveldlega hægt að vera glæsileg í gulu án þess að líta út eins og endurskinsmerki. Guli liturinn er skemmtilegur, hressandi og einfalt að para hann saman við aðra lágstemmdari liti.
Guli liturinn hefur verið áberandi á kvikmyndahátíðinni í Cannes, enda stjörnurnar ávallt með puttann á púlsinum hvað tísku varðar.
Kirsten Dunst hefur þótt bera af hvað klæðaburð varðar á hátíðinni.
Leikkonan Anna Kendrick í kjól úr smiðju Stellu McCartney.
Charlize Theron.
Fyrirsætan Heidi Klum tók sig vel út í gulu í Cannes.
Amal Clooney stórglæsileg í fölgulum síðkjól.
Guli liturinn kemur í fjölmörgum tónum og allir ættu að geta fundið eitthvað við sitt hæfi.
Myndir/NordicPhotos/Getty
Birtist fyrst í amk… fylgiriti Fréttatímans.
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
