Þessi kaka sko. Mér er eiginlega orða vant. Það er sjaldgæft. Svo afar sjaldgæft. Svona, nákvæmlega svona, lítur himnaríki út. Yndislega blaut súkkulaðisæla, löðrandi í mjúkri karamellu. Ég legg ekki meira á ykkur.
Fljótleg, ljúffeng og einföld. Ekkert vesen. Ég nenni nefnilega ekki að sigta hveiti eða vigta sykur. Alveg alls ekki.
Brownie með Marsfyllingu:
1 pakki Betty Crocker Brownie Mix
6 Marsstykki
Skerum Marsstykkin í tvennt. Það sleppur að lauma einum helming upp í sig. Ég ábyrgist það.
Útbúum kökudeigið samkvæmt leiðbeiningum á pakka.
Setjum bökunarpappír í meðalstórt eldfast mót og helminginn af kökudeiginu þar ofan í.
Komum Marsbitunum gaumgæfilega fyrir.
Afganginum af deiginu er að lokum smurt vandlega yfir.
Inn í ofn á 180° í 40-50 mínútur. Stingið prjón í miðja kökuna til þess að vera viss um að hún sé tilbúin.
Ó, komdu til mömmu!
Tengdar greinar:
Hollar chilíbrownies með þeyttum kókosmjólkurrjóma
Brownie-kaka með hindberjarjóma – Óendanlega góð kaka!
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
