Fyllt kjúklingabringa umvafin beikoni, tvistuð upp með hlynsyrópi. Það sem henni dettur í hug hjá Matarlyst. Endilega kíkið inná facebooksíðu hennar like-ið.
Fylltar kjúklingabringur með skinku, pepperoni, sveppum og osti, vafin með beikoni sem ég tvista upp með hlynsýrópi er máltíð sem þú mátt til með að prufa…
Hráefni fer eftir fjölda þeirra sem er í mat.
Hér er uppskrift sem miðast við 4 bringur.
4 kjúklingabringur
4 skinkusneiðar
12 pepperoni sneiðar
2 sveppir ca
8 sneiðar ostur t.d chedder ostur eða dass af rifnum osti.
ca 16 sneiðar beikon
svartur pipar
hlynsýróp dass
Aðferð
Skerið vasa í bringuna (eftir endilángri bringunni) kryddið með svörtum pipar. Leggið skinku, pepperoni, sveppi og ost inn í bringuna, vefjið bringuna þétt með beikini.
Setjið dass ca 1 dl af hlynsýrói í skál. Penslið bringurnar með hlynsýrópi af og til á meðan þær eru á grillinu
Hitið grillið. Grillið hverja og eina bringu í u.þ.b 7 mín á hverri hlið, fer eftir stærð bringu og þar til kjarnhiti nær 70 gráðum.
Ég ber þær fram með kaldri hvítlsukssósu, góðu salati, grilluðum eða frönskum kartöflum nú eða bara hverju sem hugurinn girnist hverju sinni.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
