Þessi unga dama, sem kallar sig Vanity Wonder hefur farið í ótal margar aðgerðir á rassinum á sér. Hún segir að sagan endalausa hafi hafist þegar hana langaði örlítið að stækka á sér rassinn. Hún fór til konu sem sprautaði í hana efni sem hún veit ekki enn í dag hvað var. Aðgerðin misheppnaðist og þar af leiðandi þurfti hún að fara í margar aðgerðir í viðbót. Hún segir að í fyrstu hafi þetta snúist um að keppa við aðrar konur. Fljótlega fór þetta þó að snúast um að rassinn væri ekki afmyndaður, eða með bungum í eins og hún orðar það. Við höfum fjallað um Vanity áður en hún hefur gefið út bók þar sem hún segir sögu sína.
Það er ólöglegt að sprauta sílíkoni eða hverskonar efni í fólk en það er hinsvegar löglegt að fá fyllingar í rassinn. Vanity lét sprauta sig margoft með sílíkoni í rassinn og stundum var hún að fá um 100 sprautur í hverja rasskinn. Nálarnar sem notaðar eru til að sprauta sílíkoninu í líkamann eru þykkar og skilja eftir sig sár sem lokað er fyrir með tonnataki.
Vanity segist hafa hætt að láta sprauta í sig efninu árið 2011. Í dag er hún með óeðlilega stóran rass og samsvarar sér ekki. Hún lét líka fylla upp í mjaðmirnar á sér. Hún hefur stigið fram til að vara konur við hættunum sem þessu fylgja.
[youtube width=”600″ height=”325″ video_id=”v2n3OCUST1Y#!”]
