Brynja Dan stendur fyrir skemmtilegum degi, ár hvert, sem kallaður er „singles day“ eða 11.11. Þessum degi var upphaflega fagnað í Kína og var tileinkaður einhleypum en er, auk þess, í dag einn stærsti tilboðsdagur ársins á internetinu.
„Alibaba startaði þessu á sínum tíma og seldi til dæmis fyrir 30 milljarða dollara í fyrra,“ sagði Brynja í samtali við Hún.is.
Brynja keypti heimasíðuna 1111.is, sem er komin í loftið og þar verður hægt að finna verslanirnar og hvaða afslátt þær bjóða. „Þetta er litla barnið mitt. Ég hoppaði á þennan vagn fyrir 5 árum en er ein að sjá um þetta núna í ár,“ segir þessi fjölhæfa kona sem er yfirleitt með nokkur járn í eldinum á sama tíma.
Nú er heimasíðan komin í loftið og við erum byrjaðar að telja niður til miðnættis í kvöld.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
