Með því að hressa upp á einn vegg á heimilinu með flottu veggfóðri er hægt að búa til alveg nýja stemmingu. Fjölbreytileikinn er mikill þegar kemur að veggfóðrum og úrvalið er gott, allaveganna í erlendum vefverslunum. Hér heima er það minna en mjög flott veggfóður er t.d. hægt að finna í Epal frá danska fyrirtækinu Ferm living.
Taka skal fram að vandasamt er að veggfóðra og því ætti fólk að kynna sér vel hvernig best er að bera sig að áður en hafist er handa. Hægt er að skoða video hvernig það er gert HÉR.
Þóra er keramikhönnuður og starfar sem slíkur á vinnustofu sinni í Hafnarfirði ásamt pistlaskrifum og kennslu. Þóra reynir að tileinka sér umhverfisvæna mannasiði á sem flestum sviðum og notar t.d. sem náttúrulegust hráefni í hönnun sína. Hún hefur tekið þátt í fjölda sýninga bæði hér heima og ytra ásamt því að hafa komið að rekstri tengdum heilsu og hönnun.
